Целта на eTwinning проектот 100. dan u školi 2022./100th day at school е организирање и прославување на 100-тиот ден на училиште со низа активности преку кои учениците развиват различни вештини. Учениците имаат можност да истражуваат, самостојно да размислуваат, да собираат различни информации, да презентираат и да работаат индивидуално, во парови и во групи. Сите активности се поврзани со бројот 100 и се интегрирани со други наставни предмети. 

Нашиот 100. ден во учебната 2021/22 година е 22 Февруари. 

Во проектот учествуваат 17 ученици од VII/2 оддление, а реализацијата на активностите е за време на часовите по биологија и на одделенски час.

Aктивностите имаат различна цел: претставување со аватар и дизајнирање на беџ; изработка на творби со употреба на цифрите од бројот 100;  практични и креативни активности (мултикултурна цветна градина, садење 100 семиња); критичко размислување и решавање проблеми (ботаничка градина за 100 дена); изработка на речник по биологија; сложување на сложувалка.

Активностите може да ги погледнете на нашата веб страницата со која проектот е презентиран во училиштето: 

100.dan u školi 2022.

Интеграција на проектот со наставната програма

- Развивање на вештини кај ученици за истражување, собирање на информации, анализирање и синтетизирање на истите;

- Формирање и спроведување на идеи, критичко размислување, примена на знаења од областа на биологијата и аргументирано заклучување;

- Развивање на еколошката свест и еколошката култура кај учениците;

- Развој на самодовербата преку СТЕМ едукација;

- Интерперсонална комуникација, почитување на другите, тимска работа, групно одлучување и решавање на проблеми;

- Соодветно и безбедно користење на интернетот и развивање на вештини кај учениците за користење на ИКТ технологијата.

- При реализацијата на пректот направена е интеграција со наставните предмети биологија, ликовно образование, информатика, англиски јазик, германски јазик и животни вештини. Интеграцијата со информатика е направена преку креирање на аватари во алатката osuStuff Avatar Maker при што  учениците се потсетија за безбедното користење на интернетот. Развиваа вештини за користење на ИКТ технологијата преку дизајнирање на беџ во Оnline Badge Maker и творби во AutoDraw (интеграција со ликовно образование). При изработка на мултикултурната цветна градина учениците пишуваа поими на различни јазици (интеграција со англиски и германски јазик) кои се однесуваат на постигнувањата и училишната клима (МИО и интеграција со животни вештини). Со тимска работа учениците засеаа 100 семиња; со користење на алатката Jamboard изработија заеднички речник по биологија; практичните активности имаа за цел подигнување на еколошката свест и култура кај учениците (интеграција со биологија).

Активности за 100. ден во училиште

1. Аватари со бројот 100

2. Беџ: 100. ден во училиште

3. Творби со цифрите од бројот 100

4. Мултикултурна цветна градина

5. Садење 100 семиња

6. Ботаничка градина за 100 дена

7. Речник по биологија

8. 100 дена помудри (сложувалка)

Соработка со партнерите

Соработката со партнерите од другите училишта се одвиваше преку Facebook страната на проектот на која можете да пристапите преку следниот линк.

https://www.facebook.com/groups/100.danuskoli

и преку web страницата на проектот 100.dan u školi - 100.dan 2022. (google.com)

Wakelet колекција 

Активностите подготвени за овој ден може да ги погледнете на линковите:

Wakelet kolekcija (hrvatski jezik) 

Wakelet колекција (македонски јазик) 

Одбележување на 100. ден во училиште

Активност 1. Аватари со бројот 100

Употребата на интернетот има низа предности во секојдневниот живот. Небезбедната комуникација и злоупотребата на личните податоци се некои од проблемите при неговото користење. Со цел подигнување на свеста за заштита на личните податоци и безбедно користење на интернет, учениците креираа аватари со бројот 100 во алатката osuStuff Avatar Maker.

Активност 2. Беџ: 100. ден во училиште

Учениците се запознаа со алатката Оnline Badge Maker. Секој ученик дизајнираше беџ за 100. ден во училиште.

Активност 3. Творби со цифрите од бројот 100

Употребувајќи го ликовниот јазик и цифрите од бројот 100 (1, 0 и 0) учениците беа креативни и изработија  индивидуални творби  во Auto Draw .

Активност 4. Мултикултурна цветна градина

Разговаравме за позитивните постигнувања и училишната клима во изминатите 100 дена во училиште.  Учениците работеа во пет групи, секоја група доби работни листови со цветови и запишуваа поими во средината на цветовите. Поимите се запишуваа на различни јазици во венечните ливчиња на цветот (хрватски јазик, српски јазик, англиски јазик и германски јазик). Доколку на учениците не им беше познат поимот пребаруваа на интернет. Цветови се залепија на хамер (заеднички плакат). Вкупниот број на поими на плакатот е 100.  Учениците ја употребија својата креативност и со користење на рециклирачки материјали ја украсија нашата мултикултурна цветна градина.

Активност 5. Садење 100 семиња

За реализација на оваа активност поставивме експеримент за да дознаеме дали сите семиња кои ќе ги засееме ќе из'ртат и ќе никнат во садници. Се потсетивме на променливите во едно истражување - независна променлива, контролни променливи и зависна променлива. Учениците работаа во 5 групи и секоја група засеа по 20 семиња. Рециклиравме пластични шишиња и ги употребивме како садови, а поставивме и конци за да обезбедиме доволно влажност во земјата. Користевме хумусна земја и засеавме вкупно 100 семиња од цвеќето џунџуле (lat. Tagetes).

Активност 6. Ботаничка градина за 100 дена

Учениците го анализираа проблемот: Изградба на ботаничка градина за 100 дена и одговорија на поставените прашања со користење на алатката Padlet(техника-Шест шапки за размислување).

• Учениците на прашањата поставени од белата шапка: Колку простор имаме на располагање? Колку пари се потребни за изградбата? одговорија дека имаме доволно простор на располагање, а одговорите на учениците во однос на финансиските средства беа дека се потребни од 4 000 до 30 000 денари.

• Во однос на прашањето: Кои се придобивките од градењето на ботаничката градина? (жолта шапка), учениците се согласија дека градењето на ботаничката градина ќе има позитивно влијание и ќе придонесе за почист воздух и подобар изглед на училишниот двор.

• На прашањето: Што ќе биде предизвик за да се изгради ботаничката градина? (црна шапка) учениците дадоа различни одговори. Некои од нивните одговори на овие прашања се финансиските средства, набавката на семиња и растенија и одржувањето на градината.

• Учениците на прашањата: Како се чувствувате во врска со оваа одлука? Кој ќе биде најзадоволен? (црвената шапка) одговорија дека се чувствуваат задоволни, среќни и возбудени во врска со оваа одлука, а најзадоволни ќе бидат учениците.

• Одговорите на учениците на прашањата на зелената шапка: Какви идеи имате за решавање на проблемот што го постави црната шапка? беа собирање на финансиски средства преку рециклирање, донации, известување до општината. Проблемот во однос на набавка на семиња би се решил доколку сите, во рамките на своите можности, донесиме семиња.

Активност 7. Речник по биологија

Речникот по биологија го изработивме со помош на алатката Jamboard. Редоследот на учениците за пишуваање на слајдовите го одредивме со помош на тркало со имиња. На секој слајд учениците ги објаснуваа поимите кои беа зададени од страна на наставникот (поимите се напишани на македонски и хрватски јазик). Вкупниот број на поими во речникот изнесува 100.

Речник по биологија

Речник по биологија (VII_2).pdf

Активност 8. 100 дена помудри

За време на оваа активност учениците се забавуваа и сложуваа сложувалка во алатката Jigsaw Puzzles.

Евалуација на проектот

Според добиените резултати од анкетата може да се заклучи дека најголем број од учениците проектот го оценаа со одлична оценка. Учениците за време на активностите меѓусебно соработуваа, развиваа вештини од различни подрачја, научија нешто повеќе од областа на биологијата, се запознаа со нови web 2.0 алатки, лесно се снаоѓаа и се забавуваа при реализација на активностите.

Завршна анкета 100 ден во училиште 2022 Т.Л. Google Forms.pdf

Дипломи

На учениците им беа доделени дипломи за успешно реализирани активности во рамки на 100. ден во училиште.

Дисеминација

Проектот 100. ден во училиште беше дисеминиран во просториите на нашето училиште и во медиумите пред пошироката јавност.

Дисеминација во медиуми

https://ohrid24.mk/?p=24888&fbclid=IwAR26l8y3O3enpd4GXD8I12Gq_Sv4-eae-d2uPn3qH-tNNv6hgyHDoYM6YdA 

https://www.publicitet.mk/za-deca-i-mladi/item/19549-vo-oou-kocho-racin-ohrid-uspeshno-realiziran-etvining-proektot-100-den-vo-uchilishte?fbclid=IwAR2PcvSdoHBh9TzWM4bvfVU_3qtarKC2uxY9tDuHbmh98XG7uQZMaQ1ttIY

https://ohridpress.com.mk/?p=149137&fbclid=IwAR0-8llGOmo_YDMrp-OuxSt4zaIXwpv09MG4xP1M9fo1a2aqcN0Mpwo7Bfw